തിരുവനന്തപുരം : വിവാദ പുരാവസ്തു തട്ടിപ്പിൽ കുറ്റക്കാരനായ പോലീസ് ഉദ്യോഗസ്ഥന് പുനർ നിയമനം നൽകി സംസ്ഥാന സർക്കാർ.മോൻസൻ മാവുങ്കലുമായി ബന്ധപ്പെട്ട വഞ്ചന കേസിൽ ഒരു വർഷമായി സസ്പെൻഷനിലായിരുന്ന ഐജി ലക്ഷ്മണയെയാണ് ട്രെയ്നിങ് വിഭാഗം ഐജിയായായി പുനർനിയമിച്ചത്.കേസിൽ കോടതിയിൽ കുറ്റപത്രം സമർപ്പിച്ച സാഹചര്യത്തിലാണു  സസ്പെൻഷൻ പിൻവലിച്ചതെന്നാണ് സർക്കാർ ഭാഷ്യം. അന്വേഷണം അവസാനിച്ച സാഹചര്യത്തിൽ തിരിച്ചെടുക്കാമെന്നു സസ്പെൻഷൻ റിവ്യൂ കമ്മിറ്റി ശുപാർശയും ചെയ്തു.പരാതിക്കാരിൽനിന്ന് മോൻസൻ തട്ടിയെടുത്ത മുഴുവൻ പണവും കണ്ടെത്താനാകാതെ അന്തിമ കുറ്റപത്രം സമർപ്പിച്ച കേസിൻ്റെ അന്വേഷണം ക്രൈംബ്രാഞ്ച് അവസാനിപ്പിച്ചിരുന്നു.മുൻ ഡിഐജി എസ്.സുരേന്ദ്രൻ, ഐജി ലക്ഷ്മണ എന്നിവരെ  ഉൾപ്പെടുത്തിയാണു കുറ്റപത്രമെങ്കിലും ഉദ്യോഗസ്ഥർ പണം കൈപ്പറ്റിയതിനു തെളിവില്ലെന്ന് കോടതിയെ അറിയിക്കുകയായിരുന്നു.

Also Read

ഷാങ്ഹായ് കോർപറേഷൻ യോഗത്തിലേക്ക് പാക്കിസ്ഥാൻ്റെ ക്ഷണം : പ്രധാനമന്ത്രി പങ്കെടുക്കില്ലെന്ന് സൂചന

മോൻസന്റെ ഇടപാടുകളിൽ ലക്ഷ്മൺ നേരിട്ടു പങ്കാളിയായതോടെയാണു കേസിൽ പ്രതിയായത്.